თელავის, ლაგოდეხისა და ოზურგეთის მუნიციპალიტეტებში მუნიციპალური ნარჩენების მართვის თვალსაზრისით განხორციელდა ინტენსიური კვლევები ამავე მუნიციპალიტეტებში არსებული სიტუაციის შესაფასებლად.
მის საფუძველზე მომზადდა კომპლექსური და ინდივიდუალური რეკომენდაციები შესაბამისი მუნიციპალიტეტის ორგანოების მიმართ, რათა აღნიშნული სარეკომენდაციო წინადებები აისახოს 2022 წლის მუნიციპალურ ბიუჯეტებში.
რეკომენდაციები შეეხება როგორც მუნიციპალური ნარჩენების მართვის ხუთწლიანი გეგმით გათვალისწინებული ვალდებულებების შესრულების საკითხს, ასევე კონკრეტულ ადმინისტრაციულ ერთეულებში სტიქიური ნაგავსაყრელების აღკვეთის, მუნიციპალური ნარჩენების გატანის ინტენსივობის ზრდისა და ნარჩენების სეპარირების საკითხებს.
მოცემულ პერიოდში მიმდინარეობს, 2022 წლის ბიუჯეტების განხილვა-დამტკიცების ეტაპზე, მიწოდებული რეკომენდაციების გათვალისწინების პროცესის ზედამხედველობა.
ერთად ვიზრუნოთ სუფთა გარემოზე!
საქმიანობა ხორციელდება ორგანიზაცია პური მსოფლიოსთვის დაფინანსებით მიმდინარე საქართველოს სტრატეგიული კვლევებისა და განვითარების ცენტრის 2021-2024 წლების პროგრამის ფარგლებში, ადგილობრივ პარტნიორებთან, საქართველოს სამოქალაქო განვითარების ასოციაცია-საგა, გურიის მედიატორთა ასოციაციასა და საქართველოს დემოკრატიული განვითარების კავშირითან ერთად.
